माजी उपमुख्यमंत्री व लोकनेते स्व. अजित पवार साहेब यांच्या जयंतीनिमित्त राष्ट्रवादी काँग्रेस पक्ष, मुळशी तालुका यांच्या वतीने सुरभी बँक्वेट हॉल, पिरंगुट येथे महा रक्तदान शिबिराचे आयोजन करण्यात आले. स्वेच्छा रक्तदानाला प्रोत्साहन देणे, गरजू रुग्णांना वेळेवर जीवनदायी रक्त उपलब्ध करून देणे आणि समाजामध्ये रक्तदानाविषयी जनजागृती निर्माण करणे हा या उपक्रमाचा मुख्य उद्देश होता.

या महा रक्तदान शिबिराला आ. श्री शंकर हिरामण मांडेकर यांनी उपस्थित राहून स्वतः रक्तदान केले आणि नागरिकांना स्वेच्छा रक्तदानाचे महत्त्व पटवून देत अशा सामाजिक उपक्रमांमध्ये सक्रिय सहभाग घेण्याचे आवाहन केले. यावेळी त्यांनी रक्तदात्यांना आरोग्य विमा प्रमाणपत्रांचे वितरण करून त्यांच्या समाजाप्रती असलेल्या अमूल्य योगदानाचा गौरव केला. आपल्या मनोगतात त्यांनी रक्तदान हे सर्वोच्च मानवसेवेचे कार्य असून प्रत्येक रक्ताचा थेंब एखाद्या रुग्णासाठी नवजीवन ठरू शकतो, असे सांगितले. समाजातील प्रत्येक सक्षम नागरिकाने नियमित रक्तदान करून सामाजिक जबाबदारी पार पाडावी, असेही त्यांनी नमूद केले. या रक्तदान शिबिराला स्थानिक नागरिक, युवक, स्वयंसेवक, पक्षाचे पदाधिकारी आणि कार्यकर्त्यांचा उत्स्फूर्त प्रतिसाद लाभला. कार्यक्रमाच्या यशस्वी आयोजनाबद्दल आ. श्री शंकर हिरामण मांडेकर यांनी राष्ट्रवादी काँग्रेस पक्ष, मुळशी तालुक्याच्या सर्व पदाधिकारी, कार्यकर्ते आणि आयोजन समितीचे कौतुक केले. समाजहित, आरोग्य सुरक्षा आणि मानवसेवा या मूल्यांना बळकटी देणारे असे उपक्रम भविष्यातही सातत्याने राबविण्याची आवश्यकता त्यांनी यावेळी व्यक्त केली.