व्यक्तिगत माहिती

शंकर हिरामण मांडेकर हे महाराष्ट्रातील भारतीय राजकारणी असून पुणे जिल्ह्यातील २०३ भोर–राजगड–मुळशी विधानसभा मतदारसंघाचे आमदार आहेत. राष्ट्रवादी काँग्रेस पक्षाचे (NCP) प्रतिनिधित्व करत त्यांनी २०२४ च्या महाराष्ट्र विधानसभा निवडणुकीत काँग्रेसचे तीन वेळा आमदार राहिलेले संग्राम अनंतराव थोपटे यांचा पराभव करून विजय मिळवला आणि या मतदारसंघातील काँग्रेस पक्षाची १५ वर्षांची सत्ता संपुष्टात आणली. त्यांचा जन्म १३ ऑगस्ट १९७३ रोजी चांदे (ता. मुळशी, जि. पुणे) येथे झाला. ते श्री हिरामण विष्णू मांडेकर यांचे सुपुत्र असून त्यांनी संत गोरा कुंभार हायस्कूल व ज्युनिअर कॉलेज, पाषाण येथून बारावीपर्यंत शिक्षण पूर्ण केले. आमदार म्हणून ते भोर–राजगड–मुळशी मतदारसंघातील सार्वजनिक प्रश्न, स्थानिक विकास आणि जनहिताच्या विषयांवर कार्यरत आहेत.